Ова се реновираните простории на Универзитетската клиника за урологија. Директорот на Башким Шабани, заедно со министерот за здравство Азир Алиу, ја пречекаа екипата на ТВ21 за да покажат што е сработено.
Одделот на болницата е целосно реновиран – просториите се претворени во модерни болнички соби, уредени како апартмани. Секоја соба е опремена со нови кревети, телевизори, нови тоалети, клима-уреди и бактериолошки прочистувачи на воздухот. Климатизацијата на целиот простор создаде значително подобри услови за пациентите, особено во летните месеци кога високите температури го прават престојот во болница непријатен, рече директорот на клиниката.
„Полуинтензивната соба, како што споменав, тука ќе се третираат сите пациенти кои имаат потешки операции, ќе бидат под мониторинг, ќе има дежурна сестра 24 часа за да бидат под надзор. Овие се монитори што ги следат сите витални параметри“, порача Башким Шабани.
Клиниката претстави три нови хируршки техники – имплантација на вештачки уринарни сфинктери, поставување пенилни протези и сакрален неуромодулација, која е во завршна фаза, со што клиниката стана сертифициран центар за интервенции што претходно се изведуваа само во странство. Отворена е и единица за полуинтензивна нега, а со вработувањето на 22 нови здравствени работници, клиниката ги зајакна своите човечки ресурси.
„Претходно состојбата беше мизерна, тука скоро 20 години немаше никаква инвестиција. Сакам да додадам и дека скоро една година откако дојдовме тука, започнавме со сите хируршки процедури што никогаш претходно не биле правени во оваа клиника… Со нови методологии? Целосно нови, организацијата е наша, заедно со колегите, односно поставување вештачки сфинктери и пенилни протези“, вели Башким Шабани.
Реновирањето на болничкиот оддел чини 300 илјади евра – 100 илјади евра од Фондот за здравство, 100 илјади од самата клиника и 100 илјади од донации. Во следната фаза ќе се реновираат Центарот за трансплантација на бубрези и Центарот за калкулоза, ќе се набави нов уред за третман на камења во уринарниот тракт и ќе се изгради нова хируршка сала за ендоскопски интервенции.
ИЗВОР: ТВ 21
