Авионот на „EasyJet“, кој летал од египетската туристичка дестинација Хургада кон Манчестер, морал итно да слета во Атина, откако капетанот се онесвестил во текот на летот, објави британскиот весник „Daily Mail“.
Според изјава на еден од патниците, екипажот повикал медицински лица меѓу патниците, а атмосферата во авионот станала напната.
„Почнавме да паничиме, мислејќи дека е крај. Еден од патниците доби напад на паника и му ставија маска за кислород“, изјавил патник за британскиот медиум.
Компанијата „EasyJet“ потврди дека авионот рутински слетал на аеродромот во Атина, благодарение на копилотот кој ја презел контролата. По безбедното слетување, авионот бил пречекан од пожарникари, полиција и брза помош.
Засега нема официјални информации за моменталната здравствена состојба на пилотот.
Извор: kurir.mk
