Пет јасни знаци кај тинејџерите за тревога на родителите

October 7, 2025
2 mins read

Помеѓу ненадејните промени во расположението, трескањето врати и долгите периоди на тишина, лесно е сè да се припише на „тинејџерската анксиозност“. Но, зад превртувањето очи и доцните ноќни излегувања, детето може да се бори со проблеми кои го надминуваат вообичаеното растење. Современите притисоци во училиштето и во општеството доведоа до зголемено нарушување на менталното здравје кај младите луѓе, објавува „Тајмс оф Индија“.

Проблемот е што предупредувачките знаци честопати изгледаат како нормално однесување за нивната возраст. Еве пет суптилни, но сериозни знаци дека нешто го мачи вашиот тинејџер и совети како можете да помогнете.

Ненадеен пад на школскиот успех

Иако секој тинејџер повремено може да ги занемари училишните задачи, забележливото и постојано намалување на оценките или ненадејното губење на интересот за учење може да биде причина за загриженост. Студија од 2021 година објавена во „Journal of Adolescence“ го поврза слабиот школски успех со стресот, депресијата или анксиозноста. Ако забележите дека вашето дете од ангажиран ученик се претворило во целосно незаинтересиран, време е да проверите што се случува.

Промени во спиењето и навиките во исхраната

Кога тинејџерите се под емоционален стрес, најчесто страда сонот. Студија од 2020 година објавена во списанието Sleep Medicine открила дека неправилните циклуси на спиење кај адолесцентите го зголемуваат ризикот од депресија. Истото важи и за апетитот – значајните промени, без разлика дали станува збор за прејадување или одбивање храна, можат да бидат индикатор за емоционален стрес, а не само минлива фаза на пребирливост во јадењето.

Повлекување од пријатели и активности

Социјалниот живот е клучен во развојот на тинејџерот, па затоа повлекувањето од социјалните интеракции или откажувањето од омилените хобија може да биде сериозен предупредувачки знак. Студија од 2019 година објавена во списанието Child Psychiatry & Human Development го истакнува социјалното повлекување како еден од најраните индикатори за депресија. Кога тинејџерот од друштвено дете одеднаш сè повеќе време поминува сам и губи интерес за активностите во кои порано уживал, важно е да преземете акција.

Зголемена раздразливост и емоционални испади

Промените во расположението се нормален дел од растењето, но важно е да се обрне внимание на нивниот интензитет и зачестеност. Студија од 2018 година објавена во The Journal of Abnormal Child Psychology ја идентификуваше раздразливоста како клучен симптом на нарушувањата во расположението кај тинејџерите. Ако испадите на гнев или тага не соодветствуваат на ситуацијата и се јавуваат речиси секојдневно, веројатно се работи за посериозен проблем од обичен „тинејџерски став“.

Чести физички тегоби

Главоболките, болките во стомакот или општата малаксаност понекогаш можат да бидат физичка манифестација на емоционален проблеми. Студија од 2017 година објавена во Pediatrics Journal потврдува дека адолесцентите често психолошкиот стрес го изразуваат преку соматски симптоми. Ако медицинските прегледи не откријат јасна физичка причина за симптомите, многу е можно тие да се должат на потиснат стрес или анксиозност.

Важно е да се слуша неизговореното

Најголема заблуда е да се верува дека тинејџерите кои секогаш се бунтовни, јасно ќе ја изразат својата болка. Всушност, многумина се вешти во криењето додека ситуацијата не ескалира. Со внимателно следење на суптилните промени во расположението, однесувањето и секојдневните навики, родителите можат рано да ги идентификуваат проблемите и да реагираат пред малите тешкотии да се претворат во големи битки. Вашиот тинејџер можеби не секогаш ги наоѓа вистинските зборови, но ако обрнете внимание, можете да го слушнете она што се обидува да ви го каже без зборови.

Извор: vecer.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Трамп: Донесов одлука за ракетите „Томахавк“ за Украина

Следно

Анализа на Костов: Изборни глобали и детали (1. дел)  

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop