Песков: Не е точно дека на европските претставници им предложивме мировен договор

January 9, 2023
1 min read

Портпаролот на Кремљ, Дмитриј Песков, го опиша тврдењето како уште една лага. Тој додаде дека новите испораки на западно оружје за Киев ќе ги продлабочат страдањата на украинскиот народ и нема да го сменат текот на конфликтот

Кремљ денеска го отфрли тврдењето на Украина дека висок руски функционер им ја претставил на европските претставници идејата за потенцијален мировен договор во Украина. Олексеј Данилов, секретар на Советот за национална безбедност и одбрана на Украина, во четвртокот на телевизија изјави дека Дмитриј Козак, заменик-шефот на претседателската администрација на Русија, се состанува со европски претставници во обид да го принуди Киев на неповолен мировен договор.

Портпаролот на Кремљ, Дмитриј Песков, го опиша тврдењето како уште една лага. Тој додаде дека новите испораки на западно оружје за Киев ќе ги продлабочат страдањата на украинскиот народ и нема да го сменат текот на конфликтот.

„Ова снабдување нема да може ништо да промени“,

изјави Песков на новинарите на дневниот брифинг.

Украина, која остварува одредени придобивки на бојното поле по инвазијата на Русија минатиот февруари, побара од своите западни сојузници да ѝ испорачаат тешко вооружување и противвоздушна одбрана како би ја свртела повеќе од 10-месечната војна во нејзина корист.

Песков денеска изјави и дека информациите на Москва дека 600 украински војници загинале во нападот на градот Краматорск се покажале како точни, и покрај информациите дека нападите ги промашиле своите цели.

„Кремљ е апсолутно убеден во точноста на тие информации, а јас ќе ве потсетам на зборовите на претседателот Владимир Путин дека главен извор на информациите било Министерството за одбрана“,

рече Песков.

Претходно „Ројтерс“ објави дека руските ракетни напади ги промашиле нивните цели во градот Краматорск и немало очигледни знаци на штета, и покрај тврдењата на Москва дека во нападите загинале 600 украински војници.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Двајца разбојници среде бел ден ограбиле дистрибутер

Следно

За новогодишните и божиќните празници нема примено пациенти со повреда од петарди

Latest from Blog

Меџити: Нов кампус за Универзитетот „Мајка Тереза“ со инвестиција од 40 милиони евра

Во текот на денешната владина седница, беше донесена историски важна одлука за високото образование – Универзитетот „Мајка Тереза“ во Скопје добива во трајно користење парцела од 31.434 м² на која ќе се

Болната семејна судбина на Роберт Редфорд: Зад неговата насмевка, се криеја две големи трагедии

Познатиот актер Роберт Редфорд никогаш не живеел типичен живот на позната ѕвезда. Одамна се пензионираше од јавноста и поминуваше време со својата сопруга Сибил. Иако рече дека таа му го променила животот,

Атлетико десеткуван на дуелот со Ливерпул

Денеска стартува новата сезона во Лигата на Шампионите. Дел од мечевите се играат вечерва, дел утре, а има многу мечеви кои што можат да се окарактеризираат како дерби. Еден од нив е
Go toTop