Министерот за локална самоуправа Златко Перински и градоначалникот на Општина Чаир, Висар Ганиу ќе ги чекаат анкетите кои ги спроведуваат нивните матични политички партии за да видат дали ќе ги кандидираат на нивните партии дали ќе ги кандидираат на локалните избори што треба да се одржуваат есенва.
При денешната посета на Општина Чаир во рамки на теренските посети на општините – „Каде што срцето е дома“, Перински во изјава за медиумите рече дека уште е рано, но оти е потенцијален кандидат за градоначалник на Град Скопје.
-Времето ќе покаже. Се уште е рано. Апсолутно дека сум потенцијален кандидат за градоначалник. Но, се уште нема конечна одлука. Ќе видиме во која насока, рече Перински.
Ганиу изрази убедување дека кој и да биде кандидат за градоначалник на Општина Чаир, кандидатот на ВЛЕН ќе биде квалитетен и способен да ја води општината на најдобро можен начин.
-Партијата ќе одлучи за тоа. Сигурно дека прават анкети. Но, јас сум убеден дека од Демократското движење и како ВЛЕН, и ако не е Висар Ганиу, кој и да биде од тие кандидати што ќе ги поставуваат во анкета, јас мислам дека секој има способоност и квалитет да ја води оваа општина на најдобар можен начин. Секој што ќе биде избран за да биде кандидат во иднина јас сум убеден дека ќе биде вистинскиот кандидат да им служи на сите граѓани, рече Ганиу.
ИЗВОР: kurir.mk
