Пензионерите утре на протест во Скопје

August 13, 2023
1 min read

Пензионерите се жалат дека сојузот на Станка Трајкова им ги укинува автобусите за утрешниот протест. Велат дека вчера и денеска во општинските здруженија се јавувале луѓе од сојузот за да им прават притисок да не протестираат. Во дел од градовите пензионерите сами барале донатори за да им обезбедат превоз до Скопје.

„Неколку најави имаме дека биле повикувани и им биле откажувани автобусите бидејќи автобусите треба да ги обезбеди здружението на пензионери. Има фонд, има членарина и сето тоа. Но, под разни политички и партиски притисоци на некој му беше одземено тоа право, но ние сепак најдовме и донатори. Дали градоначалници, дали некои фирми, успеавме да организираме 30 автобуси. Имав информација за Свети Николе дека сојузот им ги укинал автобусите, но поради притисокот на членството, повторно им се вратени.“ – Драган Угриновски, иницијативен одбор на пензионерите

Протестот ќе го започнат во 11 часот пред просториите на сојузот и таму ќе го предадат писмото со нивните барања. Оттаму ќе се упатат пред министерството за труд и социјала каде ќе бараат итна средба со министерката. Според проценките, утре во Скопје треба да дојдат околу 2 илјади пензионери од повеќе градови.

„Одиме од Велес некаде над 100 пензионери. Најголемиот дел ќе бидеме со веќе обезбеден превоз од здружението на пензионери. Што да кажеме, жално е ова што пензионерите во 21 век се принудени да одберат еден начин кој е најмалку популарен кај граѓаните. Велешаникако и секогаш ќе бидат сплотени и здружени на протестниот собир во Скопје“ – Кире Василевски, организатор од Велес

Од владејачката СДСМ, пак, велат дека се грижат за пензионерите.

„СДСМ преку Владата и парламентарното мнозинство што ги предводи постојано презема мерки и решенија за унапредување на животниот стандард на пензионерите. Од 2011 година па до денес просечната пензија е зголемена за 80 отсто. Во 2016 година последната година на режимот просечната пензија изнесуваше 13.754 денари, а денес во 2023 година таа изнесува 19.106 денари, што е покачување од 40 отсто во време на мандатот на владите предводени од СДСМ. За постојан и навремен раст на пензиите, СДСМ заедно со пензионерите донесе нова методологија со која пензиите се зголемуваат на секои шест месеци.“ – Љатифе Шиковска, пратеничка на СДСМ

Пензиите во септември треба да се покачат за над 6% согласно новиот модел на пресметка. Пензионерите се незадоволни и бараат линеарно покачување од 3.500 денари за сите, а минималната пензија да биде еднаква на минималната плата.

ИЗВОР: kurir.mk

MARKETING

MARKETING

Претходно

Промоција на „Единствен матичен број“- новиот роман на Лидија Димковска

Следно

Капитенот Ристовски се повлече од репрезентацијата поради недоразбирањата со селекторот (ФОТО)

Latest from Blog

Ристо Вртев: Денес е профитабилно да се „тамбура“ на национални жици

Овој пат во „Имаме неколку прашања за вас“ го имаме Ристо Вртев, основач на музичката група Архaнгел, нејзин фронтмен, композитор, текстописец и вокалист. Бидејќи ретко дава интервјуа за Рацин.мк ова беше прилика

Пожарите не стивнуваат: Два активни, четири под контрола, 22 изгаснати низ Македонија

Македонија повторно се соочува со огнени жаришта, но според последните податоци од Центарот за управување со кризи (ЦУК), состојбата е стабилизирана. До утрово во 7 часот биле евидентирани вкупно 28 пожари на

Најдобриот стрелец во Евролигата ќе игра за Виртус Болоња,

Најдобриот стрелец во Евролигата за минатата сезона, Карсен Едвардс, го напушта Баерн Минхен и ќе ја продолжи кариерата во тимот на Виртус Болоња  изјави порталот „Баскетњуз“. Американскиот кошаркар бележеше 20,4 поени и
Go toTop