реклама
Четириесет и двегодишен велешанец е позитивен на конго кримската хеморагична треска, потврди Институтот за јавно здравје. Пациентот во моментот е хоспитализиран на Клиниката за инфективни болести бо Скопје и е во стабилна општа состојба.
Според информациите пациентот имал покачена температура до 38 степени, главоболка, болка во телото, малаксаност и обилно потење и првично е примен во Општата болница во Велес.
реклама
Што се однесува до вработената на инфективната клиника, која претходно беше инфицирана, таа е во стабилна состојба, опоравувањето е во тек и докторите повеќе не очекуваат компликации.
Новиот суспектен пациент на клиниката е донесен во саботата вечер.
реклама
Ја добил потребната терапија, во моментов неговата состојба е стабилна, но внимателно се следи. Според првичните информации, најверојатно пациентот од Велес се заразил од каснување од крлеж додека рибарел.
„Значи, конго-кримската го пренесува крлеж. Тоа е едно. Конго-кримската може да биде пренесена и од консумирање на несодветно или нетретирано млеко, месо, заразени животни. Најчесто се пренесува на луѓе кои се професионално оптеретени. Здравствеји работници, сточарите, риболовците, ловџиите, со директно каснување од инсекти. Оние кои ги колат и обработуваат месните производи од евентуално заразени животни“, вели Милена Стевановска.
реклама
