Зетот и инвеститор на американскиот претседател Доналд Трамп, Џаред Кушнер, се откажа од инвестиција од 750 милиони евра за изградба на хотел во центарот на Белград и наместо тоа парите ќе одат во Албанија.
Тоа е епилогот од ужасниот притисок на блокадите кои, пред неколку недели, „јаваа“ на лажната афера „Генералштаб“.
– Бидејќи значајните проекти треба да обединуваат, а не да разделуваат, и од почит кон народот на Србија и градот Белград, ја повлекуваме нашата апликација и се повлекуваме во овој момент – изјави портпаролот на приватната инвестициска фирма на Кушнер „Афинити партнерс“.
За да биде уште полошо, тајкунските медиуми, опозицијата и блокадерите на социјалните мрежи зборуваат за некаква „победа“.
– Цврсти, силни, обединети и решителни во одбраната на Генералштабот кога изгледаше невозможно. Уште посилни по оваа победа. Свесни дека ќе се појави нов инвеститор. Но, дури и тој новодојденец ќе знае што го чека ако сака да урива културно наследство и ѕидови. Пумпајте – вели блокот на ЕТФ.
„Афинити партнерс“ неодамна привлече внимание поради тоа што му помогна на „Парамаунт“ да започне понуда за купување на „Ворнер Брос“. Активата на „Ворнер“ го вклучува и „Си-Ен-Ен“. Администрацијата на Трамп ќе мора да одобри таков договор.
Српскиот проект, кој е во тек со години, ги вклучуваше и Кушнер и „Организацијата Трамп“, која ја управуваат синовите на претседателот, Ерик и Доналд Трамп помладиот. Проектот предвидуваше замена на срушените згради во близина на седиштето на српската влада со станови и луксузен хотел што го носи името на Трамп.
Извор: vecer.mk
