Палестина побара од ОН да направат чекор за спречување на израелските прекршувања

1 min read

РАМАЛА (АА) – Палестина побара од Обединетите нации (ОН) да ги преземат сите можни мерки за спречување на израелските прекршувања, пренесува Анадолу.

Според писменото соопштение на Министерството за надворешни работи на Палестина, претставникот на Палестина во ОН, Ријад Мансур, пратил писма до генералниот секретар на ОН, Антонио Гутереш, претседавачот со Советот за безбедност за мај, Паскал Кристин Баерисвил и до претседателот на Генералното собрание на ОН, Чаба Короши.

„Постојаните провокации на Израел, кражбата на територија, присилното раселување на палестински цивили, како и сите негови активности за населување на териториите на Палестина што се под окупација, вклучително и Источен Кудс, тешко го прекршуваат меѓународното право“, се вели во писмата.

Во овие писма се нагласува дека рацијата на екстремно десничарскиот израелски министер Итамар Бен-Гвир во Месџид ал Акса го прекршува историскиот и правниот статус.

Во писмата се наведува дека е потребно Советот за безбедност на ОН повторно да нагласи дека ја негира израелската доминација врз Кудс и врз другите палестински територии што се под окупација.

Мансур во писмата истакна дека Советот за безбедност требе да ги осуди активностите за населување на Израел.

Во овие писма се вели дека меѓународната заедница треба да преземе чекор што ќе овозможи да се запрат сите израелски воени злосторства против човештвото и големите прекршувања на човековите права.

Во писмата се укажува на важноста на заштитата на палестинскиот народ.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

На Гутереш не му се по мерак ни Советот за безбедност, ни Бретон вудс

Следно

ЈА КОРИСТЕШЕ ТРАУМАТА ЗА ДА ГО ПРОМЕНИ СВЕТОТ – ЅВЕЗДИТЕ СЕ ЗБОГУВААТ СО РОК КРАЛИЦАТА ТИНА ТАРНЕР

Latest from Blog