Осуда од ЕУ за заканата на Медведев кон Меѓународниот кривичен суд

March 23, 2023
1 min read

Европската Унија ја осудува заканата на високиот претставник на Русија, Дмитриј Медведев, за употреба на сила против Меѓународниот кривичен суд и Холандија, земјата во која се наоѓа таа институција, соопшти денеска шефот на европската дипломатија Жозеп Борел.

Во врска со изјавата на заменик-претседателот на Советот за безбедност на Русија, Дмитриј Медведев, дека хиперсонична ракета може да го погоди судот во Хаг, Борел изјави дека ЕУ „ја потврдува целосната поддршка“ за Меѓународниот кривичен суд.

Тој изјави дека ЕУ ги осудува и мерките што ги објави Русија против обвинителите и судиите на Меѓународниот кривичен суд, вклучени во издавањето налози за апсење на руски претставници.

– Секоја мерка на одмазда против оние кои се вклучени во неговата работа е неприфатлива. Додека се бори против неказнивоста, Меѓународниот кривичен суд мора да може да работи независно и непристрасно, потенцираше Борел.

Тој додаде дека ЕУ „останува посветена да го брани Судот од какво било надворешно мешање насочено кон попречување на правдата и поткопување на меѓународното кривично правосудство“.

„ЕУ ќе продолжи да се залага за универзалност на Римскиот статут и ги повикува сите држави, кои сè уште не го сториле тоа, да размислат за приклучување кон Меѓународниот кривичен суд, така што повеќе нема да има неказнивост за најтешките злосторства“, напиша Борел.

Медведев, поранешен руски претседател, во понеделникот рече дека „не е невозможно да се замисли хиперсонична ракета истрелана кон судот во Хаг од руски брод во Северното Море“.

Пред тоа, на 17 март, Меѓународниот кривичен суд во Хаг објави дека распишал налог за апсење на рускиот претседател Владимир Путин под обвинение за воени злосторства, поради негова можна вмешаност во киднапирањето деца од Украина. Поради слични обвинувања, судот со седиште во Хаг тогаш издаде и налог за апсење на Марија Алексеевна Лвова-Белова, комесарка во Канцеларијата на претседателот на Русија, задолжена за правата на децата. (МИА)

ИЗВОР: kurir.mk

MARKETING

MARKETING

Претходно

Расте гневот во Франција поради пензиската реформа: Блокади на аеродромот „Шарл де Гол“ и железницата во Париз

Следно

ЕБУ бара помош за спас на РТВ на БиХ

Latest from Blog

Министерот Ристовски им посакаа успешен настап во мундијалските квалификации на македонските кошаркари

Министерот за спорт Борко Ристовски денеска ја посети репрезентативната база на македонските кошаркари во Гевгелија, посакувајќи им успешен настап во претстојните квалификации за пласман на Светскиот куп 2027. Македонските кошаркарски репрезентативци во

Филипче вели дека е несериозен предлогот на ВМРО-ДПМНЕ даден на прес конференција: Резолуцијата со Бугарија за идентитетот треба да биде даден во Собрание

Претседателот на СДСМ Венко Филипче одговарајќи на новинарски прашања за предлогот на ВМРО-ДПМНЕ со Бугарија да се поднесе заедничка резолуција во Европарламентот која ќе се однесува на македонскиот јазик и македонскиот идентитет,

Познати сите четвртфиналисти на СП во ватерполо

Црногорските и грчките ватерполисти се пласираа денеска во четвртфиналето на Светското првенство, кое се одржува во Сингапур. Грција го победи Бразил со 17-5 во осминафиналето, додека Црна Гора избори место меѓу осумте

Каја Шукова кандидат на СДСМ за градоначалник на Скопје

Претседателот на Социјалдемократскиот сојуз на Македонија, д-р Венко Филипче, на денешната прес-конференција ја соопшти одлуката на Извршниот одбор на партијата, која се однесува на давање согласност за кандидатури за градоначалници за претстојните
Go toTop