Унгарскиот премиер Виктор Орбан изјави дека ризикот од ширење на војна меѓу Украина и Русија е „секојдневна можност“ поради лидерите на западните земји кои, според него, даваат простор на провоени наративи. Во интервју за јавното радио, Орбан ја повика Европа да „се сврти и да се движи кон мир, а не кон војна“, објави МТИ.
Орбан истакна дека фундаменталното прашање е што е во интерес на Европа, а неговиот одговор е – „мир“. Тој нагласи дека Европа треба да вложи максимални напори за да постигне стабилност и да избегне конфликт што би можел да „ја уништи европската економија“.
Во исто време, ги критикуваше земјите кои, според него, „мислат дека војната е подобра од мирот“ и кои ја снабдуваат Украина со оружје, пари и технологија, додека разговараа за испраќање војници.
Извор: tv21
