Јавното обвинителство ги чешла наводите кои МВР ги поднесе против екс премиерот Димитар Ковачевски и поранешниот генерален секретар Методија Димовски во врска со истрагата за Лотарија, но за други дејствија.
Од Обвинителството без да спомнуваат конкретни имиња само велат дека кривичната пријава се уште не е отфрлена.
– Основното јавно обвинителство Скопје во овој предмет постапуваше по поднесени кривични пријави и од Министерството за внатрешни работи и од Управата за финансиска полиција. По сите преземени дејствија од сите надлежни институции до овој момент се обезбедија докази кои упатуваат на основано сомнение дека наведените 6 лица презеле дејствија со кои исполнуваат обележја на кривичните дела за кои беше поведена постапка. За останатите наводи од пријавите проверките продолжуваат. Напоменуваме двете лица се пријавени за сосема друг временски период и за други дејствија, а на владината седница на 6.6.2023 година кога точка на дневен ред била наведената одлука, претседавал единствено сега осомничениот“
ТВ 24 побара став од екс премиерот Ковачевски, но тој не одговори на повиците. Недостапен остана и поранешниот генерален секратар Методија Димовски. Од неговата матична партија по днешното соопштението на ОЈО нема нов став. Според неофицијалните информаци на Тв 24, попалднево се очекува токму за ова да се координира партиското претседателство. Во вчеашното гостување во анализа на ТВ 24 пратеничката од СДСМ Јована Тренчовска пак му порачаа на министерот за внатрешни работи да ја почитува пресумпцијата на невиност за лица за кои и самото ЈО до тој момент не се произнело.
Министерот Тошковски пак и вчера на пресконференција во врска со истрагата за Лотарија посочи дека во кривичната од ресорното министерство опфатени се 8 лица.
Во јавноста се појави дилема бидејќи во кривичната пријава на МВР беа опфатени 8 лица но обвинителството оформи предмет за 6 мина од нив. Тоа значи дека проверките за Ковачевски и Димовски се уште се во тек. Во предметот лотарија оштетен е буџетот и направена е проневера од над 8 милиони евра. Сепак обвинителството не ја исклучува можноста за проширување на предметот но известија дека тековно ќе информираат во текот и на наредните денови.
Извор: 24vesti.mk
