Илјадници жени од Македонија, Србија, Албанија, Хрватска, Црна Гора го искористија денешниот празник за да го посетат Охрид. Од хотелите велат дека викендов некои од нив се пополнети со дури 80% од капацитетите, а многу резервации има и низ рестораните. Денот беше посебен за околу 50-тина дами од Хрватска кои организирано на подарок добија охридски бисери. Беа изненадени од гостопримството на домаќините. Некои од нив првпат беа во Охрид, а други ни рекоа дека доаѓаат и по неколку пати. За празникот дошле на продолжен викенд, а главна препорака биле добрите туристички рецензии и препораките од пријатели кои веќе биле.
„Многу сум изненадена. Не сум прв пат во Македонија. Четврти пат сум веќе. Овој привезок ќе го носам. Кога ќе се вратам и ќе се пофалам дека го добив како роденденски подарок“, вели Љубица Милошин- туристка од Хрватска.
„Секоја група од Хрватска има многу добри рецензии за Охрид. Но, усната препорака е најдобра препорака луѓето да дојдат повторно. Оваа љубезност, ова сонце, овој друг менталитет на луѓето, тоа е нешто што нè привлекува овде“, рече Светлана Модричиќ-туристички водич од Хрватска.
Мики Трајковски
Извор: alsat.mk
