Официјално: Стивен Џерард доби отказ во Ал Етифак

Англиската легенда и поранешен фудбалер на Ливерпул, Стивен Џерард ја напушти клупата на саудискиот Ал Етифак.

Во првенството Ал Етифак на последните 14 натпревари запиша само две победи и дури осум порази, па раководството донесе одлука дека е време за промена клупата.

„Сакам да ја изразам својата благодарност на клубот, фудбалерите, навивачите и сите вклучени на приликата и поддршката во текот на моето време тука. Научив навистина многу и беше позитивно искуство за мене и моето семејство, но фудбалот е непредвидлив и понекогаш работите не одат онака како што посакуваме“, изјави Џерард.

На клупата на Ал Етифак, Џерард пристигна во 2023 година и потпиша договор на две години. Под негово водство тимот минатата сезона заврши на шестата позиција на табелата.