Од петок намалување на условите за дожд и повеќе сончеви периоди

Во следните денови наутро ќе биде свежо и ќе се задржи променливо облачно време со повремен дожд.

Како што најавуваат од УХМР, во петок и за време на викендот условите за врнежи ќе се намалат и ќе има повеќе сончеви периоди. 

Времето денеска променливо облачно со повремени врнежи од дожд. Наместа и особено во јужните и источните делови од земјата ќе биде нестабилно со пороен дожд и грмежи, локално во форма на невреме. Ќе дува слаб до умерен ветер претежно од југозападен правец. Максималната температура ќе биде во интервал од 11 до 16 степени.

Времето во Скопје променливо облачно со повремени врнежи од дожд. Во делови од котлината врнежите повремено ќе бидат поројни и со ретки грмежи.