Од новото раководство на МЕПСО нема официјален коментар дали имало основ за анексот со „Кончар“ и зошто се одобрени дополнителни 3 милиони евра. Единствено потврдуваат дека работите на терен се одвиваат интензивно:
„Новиот менаџмент на АД МЕПСО будно и секојдневно ги следи активностите на терен, инсистирање на забрзување на потребната динамика, а во насока на целосно реализирање на проектот,“ соопштија од МЕПСО.
„Кончар“: Пречките се надминати, проектот продолжува
Од компанијата „Кончар“ изразија задоволство од напредокот и потврдија дека проектот се одвива според договорената динамика:
„На почетокот на имплементацијата се соочивме со бројни пречки предизвикани од пандемијата и руската агресија врз Украина. После долги преговори и согласност на сите страни, продолживме со активностите. Очекуваме проектот да биде завршен во рокот кој го добивме со анексот,“ изјавија од „Кончар“ Загреб.
„Енергоинвест“: Без одговори и без прогрес
Од босанската компанија „Енергоинвест“, која е вклучена во реализацијата на проектот, нема одговори. Лицето Нусрет Куновац, нивен претставник во Македонија, во телефонски разговор потврди дека ќе одговори на прашањата испратени по е-пошта, но одговори не стигнаа. Тој повеќе не одговара ниту на телефонските повици и пораки.
Нефи Усеини: Тишина и од подизведувачот
Слично на „Енергоинвест“, и подизведувачот Нефи Усеини не даде одговори на поставените прашања, оставајќи дополнителни сомнежи околу застојот во реализацијата на проектот.
ИЗВОР: ТВ 21
