Објавени снимки од дрон од разурнатите области во Турција и Сирија, бројот на загинати надмина 5 000

February 7, 2023
1 min read

Во катастрофалниот земјотрес се урнаа неколку илјади згради, а потрагата на преживеаните под рушевините е отежната и поради минусните температури и близу 200 последователни потреси кои ги погодија областите. Според последниот црн биланс, во земјотресот загинаа најмалку 5 000 луѓе

Дронските снимки објавени по разорните земјотреси во Турција и Сирија ја покажуваат моќноста и јачината на едни од најсилните потреси за ова подрачје во последните осум децении.

Во катастрофалниот земјотрес се урнаа неколку илјади згради, а потрагата на преживеаните под рушевините е отежната и поради минусните температури и близу 200 последователни потреси кои ги погодија областите.

Во разорниот земјотрес се срушија над 5 000 згради, а илјадници се оштетени / Фото: EPA-EFE/ERDEM SAHIN

Агенцијата за управување со катастрофи во Турција информира дека како последица на земјотресот во земјата се оштетени над 11 000 згради.

Бројот на загинатите во земјотресот во Турција и Сирија, според последниот биланс, се искачи на најмалку 5 000 луѓе, а се очекува бројот на мртви да се зголемува.

Продолжува спасувачката потрага по преживеани по големиот земјотрес што ги погоди Турција и Сирија / Фото: EPA-EFE/ERDEM SAHIN

Според информациите кои ги објави Си-ен-ен, во Турција се загинати вкупно 3 419 лица, а во Сирија бројот на загинати се искачи на 1 602. Како последица на земјотресот, во двете земји се повредени над 23 000 лица.

Обединетите нации соопштија дека земјотресот со јачина од 7,8 степени според Рихтеровата скала што ја погоди јужна Турција рано во понеделникот е најсилниот земјотрес во ова подрачје во повеќе од 80 години, односно од 1939 година.

Додека Турција и Сирија почнаа да ја проценуваат штетата предизвикана од земјотресот, земјите ширум светот се мобилизираа за да помогнат во напорите за спасување и закрепнување по катастрофата.

Од Северна Македонија во Турција ќе бидат испратени 40 припадници на силите за заштита и спасување кои ќе помогнат во санирањето на последиците од земјотресот, а заедно со нив ќе бидат испратени и две противпожарни возила. Дополнително ќе бидат испратени и 24 припадници на Армијата, од кои 22 лица од Баталјонот за специјални сили, две кучиња за пребарување и две лица водачи на кучиња.

Извор: 360stepeni.mk

MARKETING

MARKETING

Претходно

Теренски работни активности на водоводна и канализациона мрежа

Следно

Герасимовски свика итна седница за помош на настраданите во Турција

Latest from Blog

Алчинов во Отворено: За да се направи пат до хидроелектраната на река Дошница ќе треба да се исечат 1000 хектари шума

Кристијан Алчинов од „Спас за нас“ во Отворено рече дека законот за хидроелектрани е склопен во полза на инвеститорите. Според него, за изградба на една хидроелектрана на реката Дошница ќе треба да

Елиминирана шампионката на Ролан Гарос

Актуелната шампионка на Ролан Гарос Американката Коко Гоф е елиминирана во првото коло на Вимблдон. За изненадувањето се погрижи 25-годишната Украинка Дајана Јастремска, која со 2:0 во сетови (7:6(3) и 6:1) ја

САД ја прославија 249-годишнината од независноста во Скопје

Во Амбасадата на Соединетите Американски Држави во Северна Македонија вечерва со свечен прием беше одбележан 4-ти јули – Денот на американската независност. Пред бројни гости, партнери и пријатели на САД, амбасадорката Анџела

Запленети околу 100 килограми марихуана во Струмица, лишени од слобода три лица

Во координирана акција на полицијата и Агенцијата за национална безбедност вчера во Струмица се запленети 100 килограми марихуана, а три лица се уапсени, соопштија денеска од МВР. Во соопштението се наведува дека

Ќостарова Унковска во Аргумент плус: Родителите на загинатите деца во Кочани се плашат од заборав

Клиничкиот психолог Лина Ќостарова Унковска во Аргумент плус рече дека трагедијата во Кочани е надвор од сите искуства. Според неа, родителите на загинатите деца не се плашат за нивните животи и за
Go toTop