Anëtari i Lëvizjes Vetëvendosje, Avni Zogiani ka reaguar ashpër për protestën e zhvilluar në Prishtinë, duke e cilësuar atë si një protestë të parapërgatitur për dhunë.
Zogiani ka vënë në pikëpyetje edhe krahasimet me protestat e dikurshme të Lëvizjes Vetëvendosje, duke argumentuar se rrethanat, kauza dhe mënyra e organizimit janë krejtësisht të ndryshme, përcjell “Bota sot”.
Reagimi i plotë në Facebook:
Dy gjëra rreth protestës
1. Kjo protestë ka qenë e paracaktuar për dhunë dhe këtë e treguan disa raste dhune që shpërthenin herë pas here brenda protestuesve, sepse, siç e thanë edhe vetë, “urdhnin” e kanë me e çu deri në fund…
2. Paralelja e kësaj proteste me ato të dikurshme të VV-së nuk qëndron, jo vetëm për shkak se kjo nuk ka kauzë, sepse asnjë parti parlamentare nuk është kundër ndryshimit të Ligjit për Gjykatën, por para së gjithash sepse në krye të protestave të VV-së gjithmonë ka qenë udhëheqësi i saj, Albin Kurti, kurse ata që janë konfrontuar me policinë kanë qenë aktivistë të njohur për secilin; nuk kanë qenë fytyra të panjohura që marrin “urdhnin” me e çu deri në fund.
Burimi: botasot
