Големи поплави во Њујорк, вонредна состојба прогласена во Њу Џерси. Силни бури предизвикаа ненадејни поплави низ најголемиот американски град и во делови од североистокот на сад додека пак обилните врнежи од дожд и ризикот од поплави ги принудија градските власти во Њу Џерси да прогласат вонредна состојба.
Предупредување за поплави имаше и во сите пет општини на Њујорк, а од жителите беше побарано да избегнуваат подруми и ниски подрачја. На социјалните мрежи се појавија бројни видеа на кои се гледаат поплавени станици на метрото во Њујорк и автомобили заглавени во вода…Гувернерот на Њу Џерси, апелираше жителите да останат во затворен простор и да избегнуваат патувања.
Фил Марфи – Гувернер на Њу Џерси
„Поради обилни врнежи од дожд и ризик од поплави, советуваме максимална претпазливост.“
Бурата предизвика прекини во воздушниот сообраќај на најмалку шест аеродроми на Источниот брег. Аеродромите во Њујорк и Њу Џерси, добија наредба привремено да ги приземјат летовите. Слично е и со аеродромите во Филаделфија, Балтимор и Вашингтон. Според проценките на Националната метеоролошка служба, во некои делови од Њујорк за краток временски период наврнаа помеѓу 50 и 75 милиметри дожд на метар квадратен.
Џесика Гаиди
„Бев во автомобилот кога се случи поплавата. Одеднаш половина кола беше во вода. За среќа имаше луѓе во близина и ми помогнаа да се спасам.“
„Нивото на водата порасна за многу брзо време. За 10- 15 минути, веќе беше како река.“
Метеоролошките служби предупредуваат дека нов бран врнежи од дожд уште денеска може да го погоди регионот, заедно со екстремно високи температури и висока влажност.
Извор: 24vesti.mk
