Боре Видевски, еден од обинетите за грабнувањата и грозоморните убиства на 14 годишната Вања Ѓорчевска од Скопје и 74 годишниот Панче Жежовски од Велес, денеска во Кривичниот суд кажа дека снимките кои изминатиов период беа презентирани во судницата од страна на Обвинителството всушност не се од грабнувањето на Панче Жежовски.
Според Видевски, сакале да го одбранат менувањето на името на МПЦ и за таа цел имале задача да соберат најмалку 150 000 декларации од цела држава и да се прават литии низ градовите, а првата литија тебало да биде во Велес. Додека пак за снимките на денот на грабнувањето на Вања Ѓорчевска кажа дека отишол на состанок во просториите на партијата „Десна“. Боре Видевски потенцираше дека за време на критичниот период одел секој ден на работа.
„Работам само прва смена од 7 до 15 часот. На 21.11.2023г. бев на работа. Вечерта имав слава Св. Архангел Михаил. На 22 бев на работа, како и на 23 и на 24.11.2023г.“ – Боре Видевски обвинет.
На прашање на обвинителките, Видевски одговори, за време на критичниот период на работа кога пристигнувал или заминувал не се евидентирал и не знаел дали некој го видел на работа или не. Беше прашан и зошто не повикал некој за сведок од оние кои му биле на славата, кратко одговори дека биле само домашните и претпоставувал дека обвинителките ќе кажат дека се сведоците се пристрасни. Досега одбраната на Видевски имаше можност, но не повика сведоци, но адвокат Бојан Манев тврди дека постојат докази кои укажуваат дека за време на критичниот период Видевски бил на работа.
„Во Обвинителството беа посочени сведоци коишто работат со боре Видевски во канцеларија. Работа на Обвинителството е секој предметен исказ којшто ќе го даде секој обвинет е да го проверат. Обвинителството тоа го нема направено. На исказ во Обвинителство на ден 21.12.2023г. Се посочени лица коишто работат со Видевски, на ден 22.11.2023г. Којшто тогаш беше утврден, потоа како ден на извршување на убиство на Панче Жежовски. На 27.11.2023г. Е тука во просториите на партијата „Десна“.“ – Бојан Манев адвокат на Боре Видевски.
На прашање на Телевизија 24 до фирмата ЈКП Дервен кадешто бил вработен сега обвинетиот Боре Видевски, на 6.12.2023г. ЈКП Дервен, одговорија дека за време на критичниот период Видевски не бил на работа, односно на 22 и 27 ноември 2023година.
„Ве информираме дека лицето Боре Видевски во месец ноември бил вработен во ЈКП Дервен со договор преку Агенцијата за вработување, кој договор за работа истекол на 30.11.2023година, по што истиот не е продолжен. На посочените денови, 22 и 27.11.2023година, лицето Боре Видевски бил отсутен од работа.“ – ЈКП Дервен.
Обвинетиот Видевски кажа дека на 26.11.2023г. вечерта со обвинетиот Велибор Манев отишол во просториите на партијата „Десна“, таму преноќил, а се разбудил утредента околу 10 часот. Боре Видевски во сведочењето потенцираше дека му била вршела тортура од самото приведување.
Вања Ѓорчевска и Панче Жежовски беа пријавени за исчезнати на 27 и 24.11.2023г., а на 3 декември 2023 година беа пронајдени нивните безживотни тела во близина на Скопје и Велес.
Извор: 24vesti.mk
