Нови Сад: Студентите од Белград пеш стигнаа во главниот град на Војводина – денеска блокада на сите мостови во градот 

Студентите од Белград пеш стигнаа во главниот град на Војводина, Нови Сад. Денеска ги блокираат сите мостови во градот. Бранот студентски протести со барање одговорност за уривањето на настрешница на 1 ноември во Нови Сад, при што 15 лица загинаа, а тешко беа повредени две лица, постојано се шири, повеќе од два месеци.

Студентите од белградските факултети кои се во блокада, од четвртокот наутро се упатија пеш од Белград до Нови Сад, со цел да им дадат поддршка на новосадските колеги во блокирањето на сите три моста во тој град, одбележувајќи три месеци од трагедијата на железничката станица во Нови Сад кога однесе 15 животи.