И професорите по ликовно образование од повеќе средни училишта се спротиставија на новиот концепт за гимназиско образование на Бирото за развој на образованието, според кој се крати фондот на часови по ликовно.
– Ако нашата државна стратегија е да создаваме евтина работна сила, тогаш може да речеме дека за овие три децении независна Македонија ние не само што не сме се кренале да создадеме мислечки луѓе, туку сме се спуштиле удолу создавајќи луѓе со единствен интерес да преживеат, се вели во отвореното писмо од професори по ликовно образование.
– Не сме против реформи во образованието но не на ваков начин. Почнете со промени во сопствениот двор – во Бирото за развој на образованието и Министерството пред да носите вакви концепции – порачува универзитетскиот професор по етика Дејан Донев откако новиот концепт за гимназиско образование предложи предметите философија, логика и етика да станат изборни.
Министерката за образование и наука – Весна Јаневска вели дека овој нов концепт е драфт верзија и се уште прибираат забелешки и предлози пред да донесат дефинитивен заклучок, но негира дека во новиот концепт предмети од философскиот корпус би биле исклучени.
Извор: 24vesti.mk
