Второ четвртфинале во Загреб денеска и втора драма, овојпат Франција го победи Египет со гол во последните делови од секундата, конечниот резултат беше 34-33.
🤾🏻 L’Égypte se fait éliminer en quart de finale de la Coupe du Monde de handball face à la France. ❌🇫🇷
Les Français ont inscrit le but victorieux à 0.02 secondes de la fin du match … 😩
Encore et toujours des scénarios cruels pour cette génération. 🇪🇬pic.twitter.com/AfsTtU6IqM
— Onze Masr 🇪🇬 (@onzemasr) January 28, 2025
Неверојатен крај на мечот кој го водеа македонските судии Начевски и Николов. Франција беше сериозен фаворит во мечот со Египет но победи на луд начин.
Египет се покажа како тврд противник, дури и повеќе од тоа, можеше да направи сензација, но на крајот сепак го положи оржијето.
Франција во финишот од првото полувреме дојде до навидук висока предност, на одморот заминаа со 18-14. А во вториот дел во два наврати имаа и водство од по пет разлика.
Но сето тоа беше стопено од страна на упорните ракометари на Египет. Дојдоа до егал во финишот, но Лука Карабатиќ не дозволи продолженија, шутна од центарот и погоди. Начевски и Николов гледаа дали топката навреме влезе во голот. Погодокот беше признаен, па радоста на Французите можеше да почне.
Мем и Ремили со по шест голови беа најефикасни кај Франција, Хесем реализираше осумпати за Египет.
Франција во полуфиналето од Светското првенство ќе игра против Хрватска која претходно исто така во епска завршница ја совлада Унгарија со 31-30.
Извор: kurir.mk
