„Не ни требаат фашистички правила, не сакаме фашистички училишта и војници на нашите улици“, рече Јанг, објави CBC.
Пејачот е сè уште витален на 80-годишна возраст и моментално е на турнеја низ САД, за време на која ја сними оваа триминутна песна во Чикаго, која потоа ја изведе на концерт во тој град.
Во текот на викендот, Трамп распореди припадници на Националната гарда во Вашингтон и се обиде да ја преземе контролата врз локалната полиција, а граѓаните протестираа против ваквите мерки.
„Нема повеќе пари за фашисти и фашистички милијардери. Време е да се затвори системот“, рече Јанг во новата песна.
Се известува дека Јанг не е поддржувач на Трамп, а пејачот претходно испраќал остри пораки како што е „Ако си фашист, купи Тесла“, што му било наменето на Илон Маск додека сè уште работел за американската администрација.
Извор: vecer.mk
