Никушар Дан, проевропскиот градоначалник на Букурешт, победи на повторените претседателски избори во Романија. Тој освои 54% од гласовите, додека неговиот ултрадесничарски ривал Ѓорѓе Симион, кој беше фаворит, обезбеди околу 46% проценти од гласовите.
Победата на Дан се толкува како јасна поддршка на граѓаните за проевропската ориентација и одбивање на екстремниот национализам. По прогласувањето на победата, поддржувачите на Дан скандираа: „Русија, не заборавај, Романија не е твоја“. Високата излезност од 65% и значајното учество на дијаспората, особено од Италија, Германија, Велика Британија и Шпанија, ја нагласија важноста на овие избори.
– Гласањето ја докажа неверојатната моќ на романското општество. „Изборите се заедница. На денешните избори победи заедницата на Романци кои сакаат длабока промена во Романија. – Никушар Дан, победник на претседателски избори во Романија.
Симион прво одби да ги признае резултатите, тврдејќи дека е победник со разлика од 400.000 гласови и обвинувајќи за изборен фалсификат. Тој се самопрогласи за претседател и повика на „обединување на Романија“, иако официјалните резултати го демантираа. Сепак, по пребројани повеќе од половина од гласовите, тој ја призна победата.
Претседателските избори во Романија во 2025 година беа обележани со политички тензии и обвинувања за странски вмешувања. Првата рунда на изборите беше поништена од Уставниот суд поради наводно руско влијание во корист на кандидатот Калин Георгеску. Изборите беа дополнително комплицирани со обвинувања за руска кампања на дезинформации преку социјалните мрежи, особено на Телеграм. Меѓу останатите честитки, претседателката на Европската комисија, Урсула фон дер Лајен, му честиташе на Дан за победата на претседателските избори во Романија, истакнувајќи дека граѓаните го избрале патот на „силна и просперитетна Европа“.
Извор: 24vesti.mk
