Министерот за транспорт и врски, Александар Николоски во синоќешното издание на „Клик Плус“ на ТВ21 кажа дека изјавата на премиерот Христијан Мицкоски од Салцбург за Преспанскиот договор, е извадена од контекст.
„Генерално имаме проблем со јавноста, станавме нација која чита само наслови. Вие секоја реченица доколку ја пресечете од некаде до некаде, ќе звучи комплетно различно од тоа што е кажано. Одредени мои изјави не препознавам. Едно кажувам, ќе се извади во наслов друг, во текст трето, а кога ќе го видите видеото, е сосема различно. Премиерот кажа дека во Преспанскиот договор имаше услов дека истиот ќе стапи на сила кога Грција ќе го ратификува Договорот за членство на Македонија во НАТО“, рече Николоски.
ИЗВОР: ТВ 21
