Никола Тодоров: Штета е што КАТО системот престанал да функционира наместо да се надоградува

October 25, 2023
1 min read

реклама


 Единствената работа на која што треба да се инсистира во овој случај е секоја информација да се истражи и да се утврди што е вистина, а што е намерно или ненамерно пласирана дезинформација, за да се постигне некаква корист, смета поранешниот министер за здравство, Никола Тодоров во врска со случајот на Клиниката за Онкологија.

Во своето сведочење пред Анкетната комисија за Онкологија во Собранието на Република Северна Македонија, Тодоров рече дека треба да се испита каде затаил системот.

реклама

– Страшно е тоа што се зборува дека се случило на Клиниката, но уште пострашно е што до денес, никој со сигурност не може да потврди што точно се случило и ако има некои незаконски дејствија кои се, и од кои мотиви некој истите ги сторил, рече тој.

Тодоров во своето излагање ги посочи тумор бордовите како и клиничката патека за дијагностицирање и лекување на малигни болести како клучни за правилно лекување на пациентите.

реклама

Тој посочи дека ова требало да биде надополнето и со КАТО системот, и рече дека е штета што тој престанал да функционира, наместо да се надградува. 

Поранешниот министер повика на одговорност и затворање на овој случај, како што рече, „од правен аспект“.

реклама

Тодоров по излагањето одговараше на прашања на претседателката на Анкетната комисија за Онкологија и пратеничка на ВМРО-ДПМНЕ, Рашела Мизрахи, како и на повеќе пратеници, во однос на функционирањето на Клиниката за онкологија, набавката на лекови, КАТО системот, трошењето на средствата од буџетот на јавните здравствени установи и друго.

Комисијата денеска ги сослуша и поранешниот заменик-министер за здравство Јовица Андоновски и државната советничка вработена во Министерство за здравство, Гордана Мајнова.

Досега пред Анкетната комисија, која треба да утврди политичка одговорност за скандалот со терапијата на Онкологија, зборуваа министерот за внатрешни работи Оливер Спасовски и поранешните министри за здравство Венко Филипче и Беким Сали, актуелниот министер за здравство Фатмир Меџити, поранешните и актуелните директори на Фондот за здравствено осигурување на Република Северна Македонија, Орхан Рамадани, Фатон Ахмети, Магдалена Филиповска Грашковска, поранешните заменици-министри за здравство Илир Хасани и Владимир Рендевски и акутелната заменик-министерка за здравство, Маја Манолева.

Одлуката за формирање Анкетна комисија беше донесена на 20 септември, откако по наводите во јавноста за злоупотреба на лекови на оваа клиника, Јавното обвинителство отвори предистражна постапка.

Наводите за злоупотреба на лекови на Клиниката, предизвикаа реакции во јавноста и низа протести.

реклама



MARKETING

MARKETING

Претходно

„Волстрит журнал“: Израел се согласи да ја одложи инвазијата на Газа

Следно

Скопјанка пријавила дека внукот и бил нападнат во автобус

Latest from Blog

Убиството во Штип организирано преку мобилна апликација

Основното јавно обвинителство во Штип отвори истрага против петмина турски државјани осомничени за убиството на 25-годишен сонародник, што се случи вечерта на 8 мај во угостителски објект на Градскиот плоштад „Слобода“. Судот

Алонсо подготвува историска промена во Мадрид

Во текот на наредните денови, Чаби Алонсо официјално ќе стане тренер на Реал Мадрид, почнувајќи од сезоната 2025/26, а мадридските медиуми веќе пишуваат за првите големи промени кои следат. Марка тврди дека

Денот на Европа одбележан во Скопје со едукативно-забавен настан „Европа низ детските очи“

Во Градскиот парк во Скопје, по повод Денот на Европа, Националната агенција за европски образовни програми и мобилност организираше уникатен настан посветен на децата. Под мотото „Европа низ детските очи“, во Македонија

Утре во Албанија се одржуваат парламентарни избори

Албанските граѓани утре излегуваат на парламентарни избори. Изборите се сметаат за одлучувачки за демократскиот пат на Албанија, нејзината посветеност во борбата против корупцијата и нејзината аспирација за влез во ЕУ. Со повик
Go toTop