Никогаш не го отпишувај „кралот“: Реал преку Атлетико до полуфинале! (ВИДЕО)

January 27, 2023
1 min read

Реал Мадрид е последен патник во полуфиналето од Купот на Кралот, по победата во славното Ел Мадрилењо против Атлетико Мадрид по продолженија (3-1, 1-1 регуларен дел).

Извештај од натпреварот:

„Кралевите“ беа инфериорни во првото и дел од второто полувреме, но кога ги стигна заморот играчите на Атлетико, јасно беше што ги чека. Скоро цел натпревар водеа избраниците на Диего Симеоне, но на крајот не можеа против специјалистот за продолженија, Карим Бензема.

Уште во 19. минута Алваро Мората постигна гол против поранешниот клуб, по асистенција на Молина и така дојде до првиот гол во дербијата Ел Мадрилењо. Реал Мадрид немаше сериозни закани, само неколку обиди од далечина, а моторот на тимот Лука Модриќ константно грешеше и губеше топки. Карим Бензема беше невидлив во првиот дел, ама во вториот дел работите се сменија.

Атлетико држеше топка и предност се до 79. минута, кога златната замена на Карло Анчелоти, Родриго, влезе во казнениот простор и атрактивно погоди за израмнување. Оттогаш се распадна целата концепција на гостите, па имаа среќа што мечот замина во продолженија. Проблемите за Атлети продолжија кога Стефан Савиќ доби два брзи жолти и мораше да го напушти теренот. Просторот го искористи специјалистот за голови во продолженијата, Карим Бензема, кој погоди во 104. минута и донесе 2-1. Анчелоти потоа ја затвори играта, играше доста претпазливо, а откако Атлетико се отвори, Винициус во самиот финиш погоди за 3-1.

„Кралевите“ ќе го добијат противникот на ждрепка. Во полуфиналето се наоѓаат уште Барселона, Осасуна и Атлетик Билбао.

ИЗВОР: kurir.mk

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Во „Козле“ хоспитализирани околу 40 деца

Следно

Палудан вети дека секој петок ќе пали Куран

Latest from Blog

МНОГУ Е УБАВО Е ДА СИ АЛБАНСКИ ЗЕТ, А НЕ ГЛАВА ВО ФАМИЛИЈА – Вереникот на Дуа Липа е главен кандидат за улогата на Џејмс Бонд

Иако имиња како Арон Тејлор-Џонсон, Тео Џејмс и Џејмс Нортон се споменуваат со месеци, еден актер неочекувано се искачи на врвот на топ листите откако Даниел Крег го остави пиштолот во 2021

Британската авијација предупредува на можни прекини поради проблем со софтверот на „Ербас“

Британската служба за цивилно воздухопловство (CAA) денес објави дека се очекуваат можни прекини во работењето на авиокомпаниите и летовите во Велика Британија поради голема промена на софтверот на значителен број авиони Airbus

Песков: Путин ќе го прими Виткоф следната недела, Украина е во длабока криза

Рускиот претседател Владимир Путин ќе го прими специјалниот претставник на американскиот претседател Доналд Трамп, Стив Виткоф, во првата половина од следната недела, објави денес портпаролот на Кремљ, Дмитриј Песков, додавајќи дека Украина
Go toTop