Од Народното собрание до полициската станица во Блеград маршираа денеска демонстрантите на десеттиот протест „Србија против насилството“. Намерата на организаторите е да им дадат поддршка на инспекторите и сите чесни полицајци кои ловат државни функционери, пренесува Нова.рс. Посебна поддршка демонстрантите изразија кон двајцата инспектори кои го откриле случајот „Јовањица“.
Фото: Нова.рс
Протести вечерва се одржаа и во Краљево, Крагуевац и Нови Пазар.
Фото: Нова.рс
Протестите под слоганот „Србија против насилството“ започнаа во мај по масовните убиства во белградското училиште „Владислав Рибникар“ и селата Дубона и Мало Орашје во општините Младеновац и Смедерево.
Барањата на демонстрантите се фокусираат на смена на Советот на РЕМ (Регулаторно тело за електронски медиуми), затворање на печатените медиуми и таблоиди кои шират пропаганда и го прекршуваат новинарскиот код, одземање на националните фреквенции од телевизиите кои промовираат насилство, а се бара и оставка на министерот на полицијата Братислав Гашиќ и шефот на безбедоносната агеција Александар Вулин.
Протестите се поддржани и од опозициските партии.
Извор: 360stepeni.mk
