Припадниците на посебната, автентична и автохтона заедница на Египќаните во Македонија, положуваат големи надежи во Премиерот Христијан Мицкоски, во насока на институционална интеграција и севкупна општествена интеграција на Египќаните.
-Долги години од осамостојувањето на Македонија, како самостојна, суверена и независна држава, припадниците на етничката заедница Египќани, како лојални граѓани дале огромен придонес во развој на мултиетничката демократија, како и унапредување на демократските процеси во Македонија, но за жал, нема ниту 1 деклариран Египќанец кој е вработен согласно одредбите на Охридскиот Рамковен Договор, нема нивна соодветна и правична застапеност, нема перспектива за мојот народ Египќаните во Македонија, и како последица на тоа, имаме голем број на младо, образовано и работоспособно население од Египќани/ки кои заминуваат во странство во потрага на подобар живот. Сите наши надежи ги положуваме во Премиерот на Владата на Македонија и лидер на ВМРО ДПМНЕ, Проф.Д-р Христијан Мицкоски, со кого имаме одлична соработка и пријателство, дека ќе помогне во насока на институционална интеграција на Египќаните, фер шанса и можности , а се со цел младите кадри на Египќани/ки да останам во Македонија и тука да придонесуваат како за себе така и за единствената татковина Македонија, истакна лидерот на НГИ ,,Коалиција на Египќани“, Демир Далип.
ИЗВОР: kurir.mk
