Независниот синдикат на медицински работници бара итна средба со Таравари за проблемот со платите и вработените со договор на дело

Итна средба со министерот за здравство Арбен Таравари бара „Независниот синдикат на медицински работници“, кој делува во закрила на „Конфедерацијата на синдикални организации“. Претседателот на синдикатот Боби Бојчевски бара министерот Таравари да се заложи за решавање на најитните проблеми на здравствените работници, а тоа се покачувањата на платите, колективните договори во здравството да се усогласат со законот минималната плата и трансформација на договорите на дело. Синдикалците му укажуваат на Таравари дека во изминатата година, имале повеќе десетици протести за решавање на овие проблеми во здравството и затоа како што велат средбата со синдикалците треба да се одржи уште оваа недела.