АНКАРА (АА) – Во Анкара, главниот град на Туркије, се одржа „Голем митинг за поддршка на Газа“ на кој присуствуваа неколку илјади луѓе со цел да се привлече вниманието на јавноста за човечката трагедија во Појасот Газа, јавува Анадолу.
И покрај студеното време, голем број граѓани излегоа на собирот организиран од Платформата за солидарност со Палестина.
На собирот присуствуваа и бројни претставници на политички партии и невладини организации, градоначалници и палестинскиот амбасадор во Анкара, Фаед Мустафа.
Група граѓани носеа кукли кои ги симболизираа убиените и ранетите во Газа.
Граѓаните ги извикуваа паролите „Заедно против угнетувањето“, „Илјадници поздрави за Газа“, „Анкара е со вас“ и „Спротивставете се, бидете слободни“.
Граѓаните носеа и транспаренти на кои пишуваше „Палестина не е сама“ и „Израел е убиец“.
На собирот кон небото беа пуштени балони за тригодишниот Рим и сите други деца убиени во израелските напади во Газа.
Метин Махитапоглу од Платформата за солидарност со Палестина прочита декларација во знак на поддршка за Газа.
Во декларацијата се наведува дека 78 дена во Газа се бомбардираат болници, училишта, џамии, цркви, куќи, пазари и народни кујни, и се потсетува дека масакрирани се жени, бебиња, деца, здравствени работници, хуманитарни работници и новинари.
Се наведува и дека многу западни земји, особено Соединетите Американски Држави, се соучесници во масакрот што Израел го врши врз Палестинците.
Во декларацијата се нагласува дека Газа денес е испит за целото човештво.
Израелските напади го оставија Појасот Газа во урнатини, со половина од станбениот фонд оштетен или уништен, а околу два милиони луѓе се раселени во густо населената енклава во која има недостиг на храна и чиста вода.
Извор: www.aa.com.tr
