„Не е купување гласови“, вели Бектеши за методологијата за покачување на минималната плата

Министерот за економија Крешник Бектеши денеска беше гостин во емисијата „10 Минути“ на ТВ21.

Запрашан за зголемувањето на минималната плата во пресрет на следните избори како и тоа дали со ова се „купуваат гласови“, тој одговори дека е спротивно, бидејќи според него тоа го одредуваат два фактора, а тоа е просечната годишна плата и инфлацијата.

„Новата методологија која е вградена во законите на РСМ каде минималната плата не е одредена од желбата на претприемачите или гувернерите за гласачки прашања. Минималната плата со новата методологија ја одредуваат два фактора, од порастот на просечната плата за претходната година и од порастот на инфлацијата од претходната година. Просечното зголемување на платата годинава беше околу 15 отсто, додека инфлацијата е околу 8-9 и ако се пресметаат овие два параметри, вредноста на минималната плата ќе биде 22.500 денари“, рече Бектеши.