Универзитетскиот професор Васко Наумовски во Аргумент плус рече дека, би било добро посетата на претседателот на Европскиот совет Антонио Кошта да е од суштинско значење бидејќи Македонија е во застој подолго време. Според него, зацврстувањето на Европската унија е можно со нејзино проширување.
„Би било добро доколку овие посети се од суштинско значење бидјеќи ние сме во застој подолго време. Оние развојни процеси кои ги гледаме во руско – укрианската војна и не можноста да се постигне пошироко европско единство ја наметнуваат идејата ЕУ да се прошири и да ја зајакне нејзината улога. Во тарнс-атланските односи кога САД се повлекуваат од доброто партнерство ЕУ е исправена пред предизвик да ја зајакне својата улога а тоа може да се постигне со зацврстување на внатрешното единство и преку нејзиното проширување со нови држави членки како државите од Западен Балкан или државите од источна Европа“, рече Наумовски.
Тој зборуваше и за евроинтеграцискиот процес на Македонија.
„Доколку тргнеме од претпоставката дека нема да го промениме Уставот, еден начин е да ја убедиме Бугарија дека тој процес ќе оди паралелно со преговорите и да дојде до промена на Устав со одложено дејство. Тоа решение може да се постигне во една билатерална комуниакција со Бугарија а вториот начин е самата ЕУ да најде начин да ја заобиколи употребата на правото на вето ако сака“, додаде Наумовски.
Извор: 24vesti.mk
