реклама
Иако е национален парк, на Шар планина има десетина мини депонии. Повеќето се во близина на селата каде и самите жители фрлаат отпад. Министерката за животна средина, Каја Шукова вели дека чистењето на депониите во овие зони се залудно потрошени пари, бидејќи, според неа, за неколку месеци повторно ќе се наполнат со отпад.
Општина Тетово очекува прашањето со депониите на Шар планина да го реши новиот приватен партнер за собирање на отпадот, кој што предвидува отпадот да се собира и во планонските села со што жителите ќе имаат каде да го фрлаат отпадот.
реклама
„Општина Тетово, како што се запознаена јавноста, разви физибилити студија и е во процес склучувањето партнерство со нов приватен партнер за менаџирање на отпадот на цела територија на Тетово. Приватниот партнер ќе менаџира со отпадот во градот но има изготвено детален план и за фрлањето отпад во сите населени места кои гравитираат околу општина Тетово“, вели Бесарта Рамадани.
Чистењето на депониите на Шар планина предизвика обвинувања и контра обвинувања меѓу општина Тетово и Институцијата Национален парк. Општината обвини дека иако министерството издвоило средства, отпадот на Шара не е исчистен. Додека пак од Националниот парк велат дека во повеќето села од општина Тетово, Боговиње и Теарце не се собира отпадот.
реклама
