Тимот на Наполи не успеа да ја искористи предноста на домашниот терен вечерва во рамките од новото коло од Лигата на Шампионите, и одигра само 0:0 против екипата на Ајнтрахт од Франкфурт.
Со Елиф Елмас во стартниот состав, Наполи со сите сили тргна на овој меч да ги освои трите бода но еднставно топката не сакаше да влезе во голот. Домаќинот имаше грст шасни, се изредија ама буквално сите офанзивни фудбалери во обидите да се отвори резултатот, но овојпат Наполи немаше среќа.
Од друга страна пак, тимот на Арсенал немаше поголеми проблеми да дојде до победа на гостувањето кај Славија Прага. „Топџиите“ триумфираа со 0:3, а резултатот го отвори Букајо Сака од пенал во 32. минута.
Во првата минута од продолжението, Мерино погоди за 0:2, а истиот играч во 68. минута ги постави конечните 0:3.
Извор: vecer.mk
