Напнати преговори меѓу САД и Иран- времето пребргу минува, останаа уште неколку часа до заканата на Трамп

April 7, 2026
2 mins read

Постигнат е одреден напредок во преговорите меѓу Соединетите Американски Држави и Иран во последните 24 часа, но договор за прекин на огнот до крајниот рок што го постави американскиот претседател Доналд Трамп вечерва во 20 часот по источноамериканско време (02:00 часот по наше време) се уште е малку веројатен, пишува Аксиос.

Тоа е оценката на еден американски и еден израелски функционер, како и два други извори запознаени со преговорите.

Еден американски функционер рече дека пристапот во Белата куќа се променил од прашањето „Дали е ова изводливо? до „Дали ова е изводливо до 20 часот вечерва?“.

Неуспехот да се постигне договор до крајниот рок, или барем да се постигне доволно напредок за да се убеди Трамп да го продолжи, би довело до невидена ескалација на конфликтот.

Трамп се закани со уништување на иранските мостови и електрани доколку Иран не се согласи да го отвори Ормутскиот теснец, а спомена и други цели како што се нафтената и водната инфраструктура.

„Вечерва ќе умре цела цивилизација и никогаш нема да се врати. Не сакам тоа да се случи, но веројатно ќе се случи“, напиша Трамп на социјалната мрежа „Вистина“.

Од друга страна, Иран соопшти дека ќе возврати со напад врз енергетските и водните капацитети во земјите од Персискиот залив.

Главните пречки за договор

Според изворите, клучните предизвици во моментов се исполнувањето на барањето на Иран за цврсти гаранции дека САД и Израел нема едноставно да ја продолжат војната по истекот на прекинот на огнот, како и бавното темпо на одговор од иранското раководство поради безбедносната ситуација. Во меѓувреме се појавија спротивставени информации за состојбата на преговорите.

Волстрит журнал објави дека Иран ја прекинал директната комуникација поради заканите на Трамп, додека Њујорк Тајмс објави дека Иран се повлекува од преговорите. Иранските државни медиуми, како што е Техеран Тајмс, ги отфрлија наводите.

Портпаролката на Белата куќа, Керолин Ливит, рече дека само Трамп знае „каква е ситуацијата и што ќе направи“, додавајќи:

„Иранскиот режим има рок до 20 часот по средноевропско време да одговори на предизвикот и да постигне договор со САД.

Во текот на изминатите две недели, САД и Иран разменија предлози со посредство на Пакистан, Египет и Турција. Во преговорите се вклучени и потпретседателот Џеј-Ди Венс, пратеникот на Белата куќа Стив Виткоф и советникот и зет на Трамп Џаред Кушнер. Виткоф, наводно, има директен канал за комуникација со иранските власти, вклучувајќи го и министерот за надворешни работи Абас Аракчи.

Опции на маса

Главната опција за која се разговара е серија мерки за градење доверба од двете страни, со цел повторно отворање на Ормускиот теснец во замена за гаранции дека војната ќе заврши. Се размислува и за 45-дневен прекин на огнот кој ќе овозможи преговори за поширок договор.

„Сè е поврзано. Дефинитивно е на маса прекин на огнот“, потврди американскиот официјален претставник.

Извор: vecer.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Тошковски од Вашингтон: Стратешкиот дијалог со САД носи конкретни резултати за безбедноста

Следно

Tre ambasadorë të rinj raportuan para Kuvendit! Zendeli shkon në Danimarkë, Blazhevski në Ukrainë, ndërsa Trpevski në Shqipëri

Latest from Blog

КОЧО АНЃУШЕВ ВО БИТОЛА: СО БАТЕРИИ, ФАБРИКИТЕ МОЖАТ ДА ЈА КОРИСТАТ СОПСТВЕНАТА ЕВТИНА СТРУЈА И КОГА НЕМА СОНЦЕ

Фабриките што имаат фотоволтаични електрани на своите покриви можат значително да ја зголемат користа од нив доколку инвестираат и во батериски системи. Наместо да ја користат сопствената евтина електрична енергија само додека

„Булмак 2016“ со четиригодишен проект за развој на детскиот спорт во Пробиштип

Спортот има клучна улога во правилниот психофизички развој на секое дете. Преку иницијативата Кошарка за секое дете во Пробиштип веќе се создаваат нови можности за најмладите да спортуваат бесплатно и да градат

Тоневски: Четвртоодделенците од „Никола Карев“ поставуваа прашања за работата на Општина Пробиштип

Ученици од четврто одделение при ООУ „Никола Карев“ ја посетија Општина Пробиштип и одблизу се запознаа со работата на градоначалникот, општинската администрација и надлежностите на локалната самоуправа. Во разговорот со градоначалникот Тони

МЕПСО инвестира во иднината на енергетиката: Се подготвува зајакнување на мрежата во југоисточниот регион

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на

Проданоски: Обезбедивме 10 телевизори за собите во Домот „Киро Крстески – Платник“

За собите во Домот за стари лица „Киро Крстески – Платник“ во Прилеп се обезбедени 10 нови телевизори во соработка со Тутунскиот комбинат АД Прилеп, соопшти градоначалникот Дејан Проданоски по посетата на
Go toTop