Според првичните информации на јужната команда на украинската армија, Русија нападот го извршила ноќеска со крстосувачки ракети од типот „Калибр“. Два од проектилите, како што се наведува, биле соборени од противвоздушната одбрана на градот
Три лица се убиени, а најмалку 13 ранети во ракетен напад што руските сили го извршиле врз градот Одеса, на југот на Украина, соопшти украинската војска.
Според првичните информации на јужната команда на украинската армија, Русија нападот го извршила ноќеска со крстосувачки ракети од типот „Калибр“. Два од проектилите, како што се наведува, биле соборени од противвоздушната одбрана на градот.
Од командата на украинската армија, преку објава на Фејсбук, соопштија дека по нападот е пријавен пожар во близина на деловен центар, во кој бил зафатен и магацин на трговскиот објект.
Експлозиите во Одеса одекнале ноќеска околу 2:30 часот по локално време, по што избувнал пожар, а небото над градот било прекриено со големо количество чад.
At least 1 of the Russia 3M54-1 “Kalibr” Cruise Missiles which targeted the Ukrainian City of Odesa last night Struck a Business Center with Severe Damage being reported to the Main and Secondary Building within the Complex. pic.twitter.com/JgxtCusQTt
— OSINTdefender (@sentdefender) June 14, 2023
Според јужната команда на украинската армија, руските сили истрелале четири крстосувачки ракети „Калибр“ кон градот.
Фрагменти од проектил оштетиле деловен центар, образовна институција, станбен комплекс и продавници во центарот на градот.
Командата наведува дека е можно луѓе сè уште да се заробени под урнатините на местата погодени во ракетниот напад.
Во тек е акцијата на спасувачките екипи за расчистување на последиците од нападот и пронаоѓање на евентуално заробени лица под урнатините, пишува Гардијан.
Извор: 360stepeni.mk
