Најмалку седум лица загинаа во пукање во синагога во Ерусалим

January 27, 2023
1 min read

Престрелката доаѓа еден ден откако израелските сили убија девет Палестинци, вклучително и најмалку еден цивил, за време на воен напад во Џенин, градот на Западниот Брег, кој стана жариште на вооружениот палестински отпор

Најмалку седум лица се убиени, а тројца се повредени во пукотница во близина на синагога во источен Ерусалим, објави „Вашингон пост“, повикувајќи се на извештајот на израелската полиција.

„Како резултат на нападот со пукање, констатирана е смрт на седум цивили, а тројца други се повредени“,

соопшти полицијата.

Во полициското соопштение се додава дека нападот се случил околу 20:15 часот по локално време, кога вооружениот напаѓач влегол во синагогата во населбата Неве Јаков и отворил оган врз верниците собрани на петочната молитва. Потоа истрчал назад на улицата, почнал да пука по минувачите, а потоа се обидел да избега од местото со автомобил пред да биде убиен од израелските безбедносни службеници на местото на настанот.

Фото: EPA-EFE/ATEF SAFADI

Вооружениот маж, кој е идентификуван како 21-годишен Палестинец од источен Ерусалим, без криминално досие, според израелската полиција, се верува дека дејствувал сам. Полицијата соопшти дека трага по лицето кое го однело напаѓачот до местото на несреќата.

Престрелката доаѓа еден ден откако израелските сили убија девет Палестинци, вклучително и најмалку еден цивил, за време на воен напад во Џенин, градот на Западниот Брег, кој стана жариште на вооружениот палестински отпор. Во четвртокот вечерта, милитантите во Појасот Газа истрелаа најмалку 13 ракети врз Израел, што предизвика нови стравувања од пошироко насилство.

Инцидентот во Ерусалим наиде на остра осуда од американскиот Стејт Департмент, a го осудија и Европската Унија, Франција, Велика Британија и официјална Москва.

Извор: 360stepeni.mk

MARKETING

MARKETING

Претходно

Ковачевски и Донев зборувале и за санкционирање на секој што ќе ги наруши мирот и безбедноста на 4 февруари

Следно

Иран: Го истражуваме нападот врз Амбасадата на Азербејџан

Latest from Blog

Христоски: Работиме за секој еден граѓанин на Крушево, ние сме симбол на непокорот, напредокот, визијата!

Г’радот Крушево е симбол на непокорот, симбол на визијата и напредокот, симбол на единството’ истакна денеска на граѓанската трибина „Мугра на слободата“, Томе Христоски, актуелен градоначалник и кандидат за градоначалник на Крушево

Мицкоски од Струмица: Почнавме не од нула, туку од минус – не избравме пат на пораз и молк, туку храбро се зафативме да градиме темели!

„Секој почеток е тежок, но нов почеток – по години тишина, разочарување и неправда – е уште потежок“, порача премиерот Христијан Мицкоски на трибината во Струмица, под слоганот „Една година ги градиме

Александра Наќева Ружин нов претседател на Советот на амбасадори

Александра Наќева Ружин е избрана за нов претседател на Советот на амбасадори. Се очекува Наќева Ружин да ја продолжи активната и влијателна улога на Советот во надворешната политика, придонесувајќи значајно во јавниот
Go toTop