КУДС (АА) – Најмалку 22 Израелци загинаа, а над 70 се ранети во нападите што бригадата Изедин Касам, военото крило на Хамас, ги започна утринава врз Израел од блокираниот Појас Газа, известува Анадолу.
Израелската Итна помош Црвена Давидова ѕвезда објави дека 22 Израелци загинале, а над 70 се потешко повредени во нападите изведени од Појасот Газа
Оваа организација ги повика Израелците да даруваат крв.
Бригадата Изедин Касам, военото крило на Хамас, рано утринава објави дека ја започнала операција „Aqsa Flood“ против Израел и извршила ракетни напади врз Израел од блокираниот Појас Газа, соопштувајќи дека вооружени групи влегле во населбите во регионот.
