ИСЛАМАБАД (АА) – Според првичните информации, најмалку 13 војници загинаа, а 24 се повредени, вклучувајќи и цивили, во бомбашки напад извршен во пакистанската покраина Хајбер Пахтунхва, која граничи со Авганистан, известува Анадолу.
Според веста што ја објави локалниот медиум „Хрониките Хајбер“, експлозив поставен во близина на патот по кој се движел воен конвој во регионот Северен Вазиристан на покраината, бил активиран со далечинско.
Според првичните информации, во нападот загинаа 13 војници, а 24 се повредени, од кои 14 се цивили.
Пакистанската армија сè уште не даде изјава во врска со нападот.
– Проблемот со теророт во Пакистан
Вооружените напади во Пакистан се особено концентрирани во покраините Хајбер Пахтунхва и Белуџистан, кои граничат со Авганистан.
Во обете покраини, вооружени групи кои тврдат дека ги бранат правата на етничките групи Паштуни и Белуџи, извршуваат напади врз пакистанските безбедносни сили и цивили.
Исламабад тврди дека Пакистанските талибанци се стационирани во Авганистан и ги организираат своите напади оттаму, додека авганистанската влада ги негира овие тврдења.
Во Белуџистан, во преден план се истакнуваат нападите на Ослободителната армија на Белуџистан (ОАБ). ОАБ сака покраината Белуџистан да се отцепи од Пакистан и народот Белуџи да управува со регионот.
Извор: Anadolu Agency (AA)
