АНКАРА (АА) – Над 1,89 милиони турски државјани го дадоа својот глас во странство досега на вториот круг од претседателските избори во Туркије закажани за 28 мај, јавува Анадолу.
Гласањето во дипломатските претставништва заврши вчера (среда), додека гласањето на граничните премини ќе продолжи до 17 часот по локално време во недела.
Според Врховната изборна комисија на Туркије, над 1,89 милиони луѓе (1.895.430) го дале својот глас во турските претставништва во странство и на граничните премини до 10 часот по локално време денес.
Во првиот круг избори на 14 мај, вкупно 1.839.470 турски државјани во странство излегоа да гласаат на претседателските и парламентарните избори.
Бројот на гласачи во вториот круг од претседателските избори досега е зголемен за 55.960.
Оние кои не можат да гласаат во одредениот период во нивната земја на престој, ќе можат да гласаат на граничните премини до 17 часот во недела.
Во првиот круг од изборите, турските државјани во странство гласаа во странските претставништва на земјата во периодот од 27 април до 9 мај, а на граничните премини до 14 мај.
Народната алијанса на претседателот Реџеп Таип Ердоган освои мнозинство во Парламентот, додека за претседателската трка се одржува втор круг бидејќи ниту еден кандидат не доби просто мнозинство, или повеќе од 50 отсто од гласовите. Ердоган водеше во првиот круг со 49,52 отсто од гласовите.
Ердоган во вториот круг ќе се соочи со Кемал Киличдароглу, лидерот на главната опозициска Републиканска народна партија (ЏХП) и заеднички кандидат на шестпартиската опозициска Национална алијанса.
Извор: www.aa.com.tr
