Марјан Забрчанец се пофали дека имал средба со Доналд Трамп на Светскиот економски форум во Давос, во обид да покаже дека, ете, тој и Заев имале некакви дипломатски успеси на времето.
Тој објави фотографија со опис: „Поглед од телефон во ходник, не од ВИП ложа во спортска арена :)“.
Реакциите на овој несмасен потег на главниот ПР маг на СДС беа бурни.
Румена Бужаровска саркастично го праша Забрчанец: „Треба да се радуваме?“, на што тој несмасно одговори: „Нема ништо за радување во случајов“.
Алимпије Алулоски, пак, саркастично коментира дека и тој така имал средба на Оскарите лани, во бекстејџ. А, Бетмен, пак, во саркастичен тон обзнани дека конечно се дознало кој бил човекот на Трамп во Македонија.
Додека Забрчанец гледа на ова како „успех“, јавноста го гледа како уште една комична епизода од македонската политика.
ИЗВОР: kurir.mk
