Пензионерите од истокот повторно на протести. Бараат оставка од актуелната претседателка на Сојузот на здруженија на пензионери, Станка Трајковска. Според пензионерите од Штип, Кочани и Свети Николе, кои со месеци протестираа и бараа линерано покачување на пензиите, Трајковска ги изневерила нивните барања, а оние пензионери со минимални примања ги оставила, како што велат на работ на егзистенција.
Повикуваат на масовен протест кој ќе се одржи на трети септември во Скопје.
ТВ 24 ја контактираше и претседателката Трајковска. Таа вели дека не гледа причина за оставка бидејќи, како што посочи, во изминатиот период од Здружението бараат дегресивно зголемување на пензиите, но имаат и низа други предлози за подобрување на материјалниот статус на пензионерската популација во државата.
Поднесено е барање за покренување истрага за финансиското работење на Здружението до повеќе државни органи, пак тврдат пензионерите, бидејќи се сомневале дека не се работи според Закон.
А дали постои основ за било каков сомнеж, кога станува збор финансиското работење на Здружението, 24 побара одговор токму од актуелната претседателка.
Освен оставка, пензионерите бараат и измени и нови Закони во делот на зголемувањето на пензиите, но и на постапката со која се бира претседателот на Здружението на пензионери, како и времетраењето на неговиот мандат.
Инаку, од септември почнува исплатата на 2.500 денари линеарно покачување на пензиите, а од март следната година пензионерите ќе добијат уште 2.500 денари.
Извор: 24vesti.mk
