Градоначалникот на Општина Центар, Горан Герасимовски, алармира за повторен вандализам во населбата Капиштец и побара итна реакција од Министерството за внатрешни работи.
„ МВР мора веднаш да реагира! Повторно сведочиме на вандалско однесување – група малолетници кршат шишиња, фрлаат петарди и се тепаат. Ова веќе не се изолирани случаи. Поднесуваме пријава и бараме темелна истрага,“ изјави Герасимовски преку социјалните мрежи.
Жителите на Капиштец велат дека ваквите инциденти честопати го нарушуваат јавниот ред и безбедноста, претворајќи ја населбата во небезбедно место за живеење.
Општина Центар најави дека ќе поднесе пријава до надлежните органи, а од МВР се очекува брза и одлучна акција за решавање на проблемот и обезбедување на ред и мир во населбата.
ИЗВОР: racin.mk
