Вчера МВР, по налог на Основното јавно обвинителство, спроведе акција за апсење на 7 полициски службеници, кои се поврзани со трагедијата во Кочани и кои се сомничат за несовесно работење и за злоупотреби.
Паралелно додека траела акцијата на Бирото за јавна безбедност при МВР, шефот на Јавното обвинителство на РСМ, Љупчо Коцевски, во гостувањето на Телма, ја обелодени акцијата.
„Јавното обвинителство веќе има издадено наредба за приведување на уште седум полициски службеници и утре ќе бидат изведени пред јавниот обвинител, а потоа и пред судија на претходна постапка“, истакна државниот обвинител Љупчо Коцевски и додаде дека истрагата се проширува.
Од МВР овој негов потег го оценија како компромитирачки за нивната акција, бидејќи наводно по еден од нив, кој живее во Штип, се уште се трага.
ИЗВОР: racin.mk
