Една од најголемите трансфер саги ова лето се однесува на Винисиус Жуниор и неговиот потенцијален трансфер од Реал Мадрид во Арсенал. Сега се појавија нови детали околу трансферот на Бразилецот во Лондон и се чини дека „топџиите“ одат на „сè или ништо“.
Како што првично изјави Марио Кортахен, кој е многу близок до Реал, Арсенал сака целосно да ја реконструира својата структура на плати за да го донесе Винисиус во своите редови. Тие сакаат да одат над планираниот „селари кап“ и да му понудат огромен бонус за потпишување, како и правата на ликот. Исто така, актуелниот шампион на Англија јасно стави до знаење дека трансферот на Винисиус може да биде најголемиот досега во Премиер лигата.
На самиот крај се појави информација дека Жозе Мурињо е во контакт со Бразилецот и го гледа како еден од клучните делови од проектот на Реал во следните неколку сезони. Сепак, не е сè најчисто, бидејќи одлуката дали да се остане или да се замине зависи од играчот и од клубот.
Да се потсетиме, договорот на Винисиус со Реал истекува следната година и ако „Лос Бланкос“ планираат да го продадат, мора да го сторат тоа сега или на зима, што е малку веројатно.
Винисиус сè уште не се приклучил на подготовките на тимот. Тој сè уште е на одмор по Светското првенство.
Извор: vecer.mk
