Муралот „harmonoise_230425“, изработен од познатиот полски уметник Пржемислав Блејжик (Саинер), ќе биде отворен утре во Младински културен центар во Скопје. Настанот, кој почнува во 19 часот, е организиран од Институтот „Адам Мицкиевич“, во соработка со Град Скопје, како дел од меѓународната културна програма на претседателството на Полска со Европска Унија.
Саинер, кој ќе присуствува на отворањето на муралот, е едно од најпрепознатливите имиња во современата улична уметност. Неговите импресивни мурали што го разубавуваат урбаниот простор во градови низ целиот свет се одликуваат со надреалистички стил и богати палети.
ИЗВОР: sdk.mk
