Големината на вратата на куќата ја одредува сопственикот на куќата, кој мора да има чест, доверба и збор, но кога ги нема овие, таа куќа не се нарекува ни куќа, а камоли голема! На овој начин лидерот на Алијанса за Албанците, Зијадин Села, одговори на зборовите на неговиот поранешен сопартиец, кој исто така тврди дека е лидер на Алијанса за Албанците, Арбен Таравари.
-Според албанската традиција и обичајното право, домот не е едноставно место каде што живееш, туку тоа е име и идентитет! Дали вратата или куќата е голема или мала го прави сопственикот на куќата. Честа, довербата, даден и одржан збор и мажественост се атрибутите кои овој сопственик мора да ги има. А кога ги нема, тоа не се нарекува ни куќа ни врата, а камоли голема…“, стои во објавата на Села.
На прашањето за овој став на Села, Таравари за ТВ21 рече дека Алијанса за Албанците останува голема куќа, но проблем се неколкумина со големо его.
-Проблемот е што некои луѓе имаат его (наречете ги гордост ако сакате) толку големо што излегуваат од контакт со реалноста. Обично ваквите типови на ликови ненамерно им нанесуваат штета на другите, но пред се на самите себе. Да, Алијансата за Албанците е голема врата и има место дури и за осамениците кои ноќе се молат, а дење “глумат морал“, рече Таравари.
Оваа „комуникација“ на дистанца меѓу Села и Таравари доаѓа откако пред два дена, на прашањето дали постои можност за повторно обединување на Алијанса за Албаницте, Таравари изјави дека алијанса е отворена куќа, голема и дека сите се добредојдени. Тој ја изрази својата отвореност за соработка со сите партии за кандидати за градоначалници, откако раководството на Алијанса за Албанците одлучи на локалните избори да излезе со посебни листи за општински советници.
ИЗВОР: ТВ 21
