Модриќ со само три збора ја искажа својата љубов и причината за останување во Мадрид!

Набрзо откако официјално беше објавено дека го продолжил договорот со Реал Мадрид до следното лето, Лука Модриќ преку социјалните мрежи го искажа своето мислење околу останувањето во шпанската престолнина.

Хрватот имаше неверојатна понуда од Саудиска Арабија, која ќе му овозможеше за една сезона да заработи повеќе отколку во целата кариера досега, но реши да им каже „Не“ на арапските милиони. Тој со три збора кажа што за него претставуваат Реал и Мадрид.

„Доме, слатки доме!“, напиша Модриќ.

Репрезентативецот на Хрватска, кој во септември ќе наполни 38 години, во таборот на „кралевите“ стигна пред 11 години, период во кој дојде до дури 23 трофеи. Тој со шпанскиот гигант освои пет титули од ЛШ, пет трофеи од Светското клупско првенство, четири европски Суперкупа, три шампионски пехари во Шпанија, два во Купот на Кралот и четири во шпанскиот Суперкуп.